حبه كلام

مين انا دايما السؤال دا بيجي في بالي النهارده اول مره اخد بالي ان بقي عندي 29 سنه يااااه كتير اوي طول اليوم ببص في المرايه بشكل غريب ايام كتير متلخبطه جوايا احلام كتير مرميه علي طريق السنين انا مين انا البنت الي كانت بتحلم تغير وتبقي احسن كاتبه ولا البنت الرقيقه الي بتدور علي الحب والفرحه ولا البنت اللي سابت كل حاجه حلمت بيها ومشيت يمكن كانت خايفه يمكن ياست معرفش ولا البنت اللي بتشتغل دلوقتي في حاجه تانيه بعيد عن احلامها ولا الام الي خايفه من بكره مع ابنها خايفه حتي من المسؤليه انا مين انا كل دول ولا ولا واحده من دول وبكره هتولد انا حبه حاجات متلخبطه مش عارفه بعضها اكيد بكره هبلان مهوا من جوا التوهه بيجي النور حبه كلام جوايا